ONCE Euskadi Saria

Epaimahaiaren iritziz, beren jarduera-esparruetatik ONCE Gizarte Taldearen kultura instituzionalaren funtsezko balioekin bat datorren lan solidarioa egiteko konpromiso handiena hartu duten pertsona, enpresa, entitate eta erakundeei ematen zaizkie Sari Solidarioak. Eta, zehazki, bere ingurunean herritar guztien gizarteratzea, normalizazioa, autonomia pertsonala, irisgarritasun unibertsala eta bizimodu independentea sustatzen dutenak.

Harro gaude gure bozgorailu txikiak errekonozimendu hori jaso izanaz, eta eskerrak eman nahi dizkiegu egunero fundaziora datozen eta posible egiten duten pertsona guztiei, bai eta hasieratik gurekin dauden bazkide, kolaboratzaile eta erakundeei ere. Mila esker!